WIDAVA BAK MIALUKUGAL

Mali XI^-eafa decemda, widava nendana gu migexeem tugijawed. Irubasik nelkon tid yambudik is kazik ( yoltkiraf gu glastik ). Lanote tukulawed ise tugijarotiawed. Mona tid kum inta is tawa voxis dile rapor nume kalion rotanteyawed. Nudeem tir zionaf kiren irubasik va doriteem dagimad. Numen zaxasa dorita va galbuwera ke muluftesisa akola tuseitad.
Lanira is lakira koo nilapafa is tervana vawila tid voldrikafa : yambudik ta atoera va warzeks is doleks ok ton griktexo vaon faver. Jontika rwama isu dubiera koe nuda tid. Wipitesik is tcunik to banlize dere va sint katrasid… Nekev batcoba, irubasik koe nuda is moe viga blid ise deasewed : lusted ise prilad ise vefad. Viga va dolexo is jora emuded. …/…

Askisik : DE / GA ( 2023 )