KAZA SAREON GU DIMBLIRUGAL

Bak XV^-eafa decemda, kaza dimblir radimida gan yona abrotcifa geja al zo rawar. Lay is almaxa is bayna gan astokol is edava koo Taltefa Europa zo rembured. Voxen bata koyara wan tid medrikafa : vawa tid rotafa isen dubies blay va kametca pitcad.

To anton tota va remburera va gamiaf yulteem noved. Dolekik va riaf warzeks ( awolba is leso ikz- ) koe ilefa patecta lusted aze koe Europa silukon tcazapon dimdoled. Doleks koe dolexo ke widava is kazaxopo zo parloed. Koe batyono kazaxo, kazasik va erba lusted ise doled kire dere tid omeltik. Lanbat tugijarotiaweped nume pu gazik erbabeitad ise va yambik nendad. …/…

Askisik : DE / GA ( 2023 )