LAPIBA Lapitison ta kobara ok kal tildexo, ayik va gedrafa lapiba faved, i va lapiba dun tisa lokaliafa is lodilon rodestasa. Sistu is iaxe va olegan warzeks melizukon trasin isu fa kobured. Volson sinaf iakseem is tawamiduraf warzeks ko varafa Franca ik tamava doletenon zo divtunsed. …/… Askisik : DE / GA ( 2023 )
KOE WIDAVA Koe widava, revava rotid amidapafa : lokon aname savsafa idja, lonoeltafa revava is iaxe zo vegeduyud, isen lantode dace varafa widava ( warzafa widava ) zo reduyud. Irubasik koe bedabloeem ke idja ( widavistak ) blid. Blira dile me tir plinafa kiren sfonkara is lorara tid. Somxo is nyosalot dem trapova vacane widava tid lovumeltafa revava dem gerd is preima is aalaki. …/… Askisik : DE / GA ( 2023 )
KOE TAWADAY Va gedrapaf patectoy ke tawaday koe Franca rotrasit. Tawaday kare savera ke ayik va iltaalxo ik centaxo ik aalxo ik tayaxo ix werdxo betawer. Abic tawek gan ayik me zo midud. Giwin patectoy loviele tir tel dem taya is werdxo. Voxe kare gola dere korarur : taway vawale zunda ( abeyaf patectoy ) rotigid oke moe fenkunaf tawek ( varea ). …/… Askisik : DE / GA ( 2023 )
KOE MEFTAVA Blira koe meftava tir medrikafa : lae va nuyafa pridura tatcer, isen nolda bak fentugal va kotcoba besar nume va vaweem dile elekar.Ayik koe bumafa wida koe krant irubad. Gelkeon toloya dalafa tegira tiyid : vartera va namulol ik jaftol, is malsavera va aala. …/… Askisik : DE / GA ( 2023 )
KENE BIRA Blira kene bira tir blira koe widava ok wida dum kotarlize. Voxe dere tir impavantara va rob firvin gan bira. Jontikedje onara va yon decitoy ayik blisir. Loviele wan tir yambudafa kobara ( onasik koe tota mo bira tori konak bartiv oku vielcek ) mallapid. Rabafa onara ( iaxefa totapa remi konaka safta ilon onad ) leeke zo voneyer. Kene krimta koe biravesk, kabay ik gerlanta ik aboka ik orek zo varted… to lavamidura. …/… Askisik : DE…